लुमन्ति दबूया न्हूधाः जुल
नेपालभाषा एम.ए. ब्वँमिपिनिगु पुचः लुमन्ति दबूया थौं छगू ज्याझ्वःया दथुइ न्हूधाः जुल । भाजु प्रकाश शाक्यया अध्यक्षताय् १३म्ह दुजः दुगु छगू ज्यासना पुचः नीस्वन । पुचलय् अगिव बनेपाली न्वकू, लसता सिंह छ्यान्जे, पूर्ण श्रेष्ठ लिउ छ्यान्जे, सुनयलता जोशी दांभरि, सुनीता राजभण्डारी लिउ दांभरि जुयादीगु खःसा दुजलय् सुलोचना सैंजु, अष्टमान महर्जन, प्रेमरत्न बज्राचार्य, नवराज नकःमि, जुजुमान महर्जन व अस्वेन ताम्राकार अथेहे आमन्त्रित दुजः कथं सानुराजा शाक्य च्वनादीगु दु ।
न्हूधा: लिपा नेपालभाषा केन्द्रीय विभागया नायः प्रा. प्रेमशान्ति तुलाधरजुं नेपालभाषा केन्द्रीय विभागया लागि थ्व छगू लिधंसा जूगु खँ धयादिसें केन्द्रीय विभागयात न्ह्याबलें ग्वाहालि दयाच्वनीगु आसा नं यानादिल ।
यलया गोदावरीइ जूगु उगु ज्याझ्वःया न्हापांगु ब्वय् लुमन्ति दबूया छ्यान्जे ईश्वर बहादुर श्रेष्ठं प्रगति प्रतिवेदन व दांभरि श्रीमिला सुवालं आर्थिक प्रतिवेदन न्ह्यब्वयादीगु खः । नायः मोहनकृष्ण श्रेष्ठया सभाध्यक्षय् जूगु उगु ज्याझ्वलय् नेपालभाषा केन्द्रीय विभागया पुलांम्ह नायः प्रा.डा. सुन्दरकृष्ण जोशी, विभागया नायः प्रा. प्रेमशान्ति तुलाधरजुं नुगः खँ प्वंकादीगु खः ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
