फेसबुकया संस्थापक जकरवर्ग नेपाः वःगु पुष्टि
फेसबुकया संस्थापक व सिइओ मार्क जकरवर्ग नेपाः वयेधुंकूगु पुष्टि जूगु दु । जकरवर्गया नेपाः भ्रमण सम्बन्धय् जिं फेसबुकय् न्यनागु न्ह्यसःयात जकरवर्ग थःम्हं हे लिसः बिया धयादिल - "Yes, I went to Nepal for a few days in the spring of 2008" (खः, सन् २००८ या बसन्तय् छुं दिनया लागि जि नेपाः वनागु खः ।)
जकरवर्गया फेसबुक फ्यानपेजय् वल्र्डट्रिप धका येँया निपा किपा तयातःगु खः । तर व किपा व थःम्हं हे काःगु खः मखु, जकरवर्ग नेपाः थ्यंगु खः मखु धैथें जुयाच्वंगु खःसा आः वय्कःया हे लिसलं प्रस्ट जूगु दु व नेपाल थ्यंगु दु, थौं स्वयां निदँ न्ह्यः ।
२६ दँया नच्चागु उमेरय् हे बिलिनियर जुइत ताःलाम्ह जकरवर्ग २०१०या अमेरिकाया तःमिपिं मनूतय् सूचीइ ३५ औं स्थानय् थःगु नां च्वकेत ताःलाःगु दु । थुगु सूचीइ जकरवर्ग एप्पल कम्पनीया स्टीइ जव्स स्वयां न्ह्यःने दु । ६.९ बिलियन अमेरिकी डलरया धनी वय्कलं थुगु ध्यबा फेसबुक मार्फत कमे याःगु खः । थौंकन्हय् फेसबुकय् २४ प्रतिशत शेयर वय्कःया दु ।
न्ह्यथनेबहः जू, फेसबुक व जकरवर्गया जीवनीइ आधार कयाः दयेका तःगु संकिपा "दि सोसल नेटवर्क" थौं शुक्रवाः रिलिज जूगु दु ।
जकरगर्रं काःगु येँया निपाः किपा
More Stories Like this
फेसबुकय् आः ५० म्हतक भिडियो खँ ल्हाये फइगु कोरोना भाइरस सम्वन्धी मखुगु खँ लाइक याइपिन्त फेसबुकं चेतावनी बिइगु फेसबुकं ब्यूगु बुदिंया उपहार फेसबुकं 'नेवारी' खँग्वः लिकाल 'नेपालमण्डल डट कम भेटिकन सिटी स्वयां तःधं'
