यल उप मनपाय् नं नेवाः डेस्क संचालन
येँ (सन्ध्या टाइम्स)/यल उप महानगरपालिकाय् वंगु आइतवाःनिसें नेवाः डेस्क संचालन जूगु दु। नेवाः स्वायत्त राज्य मंकाः संघर्ष समितिं वंगु ३२ गते नेवाः स्वायत्त राज्यया अवधारणा कथं यल उपमहानगरपालिका संचालन यायेमाः धकाः माग यानाः ज्ञापन पौ लःल्हाःगु खः। म्हिगः उगु ज्ञापन पौयात कयाः नगरपालिकाया प्रतिनिधि व नेवाः स्वायत्त राज्य मंकाः संघर्ष समिति यल कचाया प्रतिनिधित च्वनाः सहलह ब्याकेगु ज्या जूगु खः। वइगु २१ गते दलीय संयन्त्र नापं तयाः वार्ता यानाः सहमति यायेगु धकाः म्हिगः खँ जूगु खः ।
