आदिवासी चलचित्र महोत्सवय् सुरु
इन्डिजिनियस फिल्म अर्काइभ (आइफा)या ग्वसालय् थंनिनिसें प्यक्वःगु अन्तर्राष्ट्रिय आदिवासी चलचित्र महोत्सव सुरु जूगु दु । येँया राष्ट्रिय सभागृह व नेपाल पर्यटन बोर्डय् १९गू विदेशी व १४गू स्वदेशी याना: ३३गू फिल्म, डकुमेन्ट्री, चीधंगु फिल्म व म्यूजिक भिडियो प्रदर्शन याइगु ज्याझ्व: दु । थुगु महोत्सवया निंतिं ल्य:गु फिल्म नेपा:या थीथी १२गू सहरय् क्यनी ।
'ज्ञान हस्तान्तरण'या मू भावनाय् स्वन्हु तक न्ह्याइगु महोत्सवय् भारत, भुटान, मेक्सिको, जर्मनी, अस्ट्रेलिया, कयानाडा, अर्जेटिना, अमेरिका, स्विडेन, नर्वे, क्याम्बोडियाया फिल्मीत क्यनी । अथेहे नेपाःया आदिवासीतय्सं दयेकूगु थःगु मांभाय्या नेपालभाषा, मगः, तामाङ, गुरुङ, राई, लिम्बु, सुनवार, धिमाल, सौका व बान्तवा भाषाया फिल्मत दुथ्याकात:गु दु ।
उगु महोत्सवय् नेपालभाषाया माया : द लभ नांगु फिल्म असार १२ गते (संचवा:) राष्ट्रिय सभागृहय् न्हिनसिया ४:१५ क्यनीगु जूगु दु । महोत्सवया लिप्पांगु न्हिइ बांलाःगु फिल्मयात गोल्डेन, सिल्भर व बोन्ज ड्रम नापं छगू फिल्मयात प्रोत्साहन कथं क्रिटिक्स अवार्ड बीगु ज्याझ्व: दु ।
महोत्सवय् क्यनेत्यंगु फिल्म थुकथं दु -
विदेशी
नागा स्टोरी : द अदर साइड अफ साइलेन्स (भारत), प्रेअर्स फर न्यु गड्स (भारत), एन्ड द रिभर फ्लो अन (मेक्सिको), आइज अन ह्वाट्स इनसाइड (मेक्सिको), लेस नोमादेस् दु सर्कल पोलेअर (जर्मनी), कन्ट्याक्ट (अस्ट्रेलिया), इक्वे (क्यानडा), अमाजोनिया फर सेल (अर्जेन्टिना), स्पेअर चेन्ज भ्यानिसिङ कल्चर्स (क्यानडा), बुसमिन अफ द कालाहारी (अमेरिका), फर द नेक्स्ट सेभेन जेनेरेसन (अमेरिका), यारवंग (भारत), द अन्ली इमेज अफ माई फादर(स्विडेन), काङ्ग्लेस्का वाकन (अमेरिका), वि आर द इन्डियन्स (अर्जेन्टिना), रियल स्टोरिज : भिडियो न्याटिभ मेक्सिको (मेक्सिको), पिपुल अफ द डार्कनेस अगेन्स्ट द टाइम इन द इन्जेन (भुटान), आल्पस् (नर्वे), अम्बी जिजिज रिटायरमेन्ट (भारत) ।
स्वदेशी
माया : द लभ (नेपालभाषा), सेन मान थारेङ(गुरुङ), थारेङ (तामाङ), फुङ्वामा (लिम्बू), पेली (लिम्बू), जाथेबा (तामाङ), द ब्रोकन विङ्स ब्यासी सौका को (खस नेपाली), संस्कृति पहिचानको (सौका), खोजीमा धिमाल (धिमाल), स्याथ खेमेर (सुनुवार), सालेज्यु (मगर), राई वान्तवा (वान्तवा), पोंग (तामाङ), प्राङ्बोला माहाङ (तामाङ) ।
