थिमिइ बैकुण्ठहरी लुमंकल
थिमि (सन्ध्या टाइम्स)/नेवाः राष्ट्रिय मुक्ति मोर्चाया संस्थापक केन्द्रीय दुजः बैकुण्ठहरी श्रेष्ठया गुक्वःगु लुमंति सभा थौं थिमिइ जुल ।
बैकुण्ठहरीया झ्वाताय् स्वांमाः क्वखायेकाः न्ह्याकूगु उगु सभाय् माओवादी नेवाः राज्य समितिया इन्चार्ज हितमान शाक्यं मदुम्ह श्रेष्ठ बयोबृद्धम्ह खःसां वय्कलं नेवाः मुक्तिया निंतिं नेवाः ल्याय्म्हतय्त जागृत यायेगु ज्या याःगुलिं तत्कालिन राज्यसत्तां जेलय् दुने हे स्याना बिउगु खः धयादिल। एकीकृत माओवादीया ख्वप जिल्ला समितिया ग्वसालय् जूगु उगु ज्याझ्वलय् माओवादीया थीथी नेता व सभासद्तय् उपस्थिति दुगु खः ।
