पुस २९ गते नेवाः एकता दिवस हनीगु

येँ (सन्ध्या टाइम्स)/नेवाः स्वायत्त राज्य मंकाः संघर्ष समितिं थ्वहे वइगु पुस २९ गते नेवाः एकता दिवस हनीगु जूगु दु। थगुने पुस ११ गते दशरथ रंगशालाय् नेवाःतय्सं नेवाः स्वायत्त राज्य घोषणा याःगु दिंयात लुमंकाः तिथि कथं पुस २९ गते नेवाः एकता दिवस हनेगु निर्णय मंकाः संघर्ष समितिया म्हिगः च्वंगु बैठकं याःगु खः। उगु दिवसया मू ज्याझ्वः यलय् जुइगु खँ नं धाःगु दु। येँय् नेवाः स्वायत्त राज्य घोषणा, ख्वपय् राजनीतिक सम्मेलन लिपा यलय् थ्व दिवसया मू ज्याझ्वः यायेत्यंगु खः ।