उपप्रमयात महया 'ढलमती' क्यनीगु

येँ (सन्ध्या टाइम्स)/ स्वनिगःया स्यना वनाच्वंगु शहरी वातावरणीय समस्या व थनया बागमति व बिष्णमति खुसिइ जुयाच्वंगु प्रदूषणयात कयाः नांजाःपिं हास्य कलाकार मदनकृष्ण श्रेष्ठ व हरिवंश आचार्यं 'ढलमती' टेलिप्याखं दयेकादीगु दु। नेपाः सरकार, गुथि व मह संचार जानाः दयेकूगु उगु टेलिफिल्मया न्हापांगु शो थौं उपप्रधानमन्त्री नापं भौतिक योजनामन्त्री विजय गच्छेदारयात क्यनीगु ज्याझ्वः दु।