न्हूदँया लसताय् नेवाः ब्यापारीतय् मोटरसाइकल र्याली
नेवाः जागरण मञ्चया कवः व्यापारी मञ्चया ग्वसालय् क्षेत्रपाटीं यल जुयाः बुंग व खोनां येँ तक मोटरसाइकल र्याली यात। मञ्चया संयोजक सुजीव बज्राचार्यं उलेज्या याःगु उगु र्याली 'न्हूगु दँया भिंतुना नेवाः प्रदेश कामना, नेपाल संवत्या सम्मान या, संवत् आयोग गठन या' धकाः नारा थ्वयेकूगु खःसा र्यालीयात बुंगय् मञ्चया कवः बुंग कचापाखें लसकुस याःगु खःसा खोनाय् नं लसकुस याःगु खः ।
