यलया गंप्याखं थुगुसी पिहां मवल
यल (सन्ध्या टाइम्स)/मोहनिया झ्वलय् थनं पिहां वइगु गं प्याखं थुगुसी बन्द जुल। व्यवस्थापन समिति निष्त्रिय जूगु कारणं थुगुसी थ्व प्याखं पिहां वये मफुगु खः। ३४६ दँ पुलांगु धयातःगु थ्व प्याखं थनया नकबहीया शाक्य वज्राचार्यतय्सं पिकायेगु याना वयाच्वंगु खः। थुकी झिंस्वम्ह द्यःत ख्वाःपाः पुनाः नःला स्वना चःर्हेनिसें एकादशि तक प्याखं हुइकी।
प्याखं क्यनीगु व्यवस्थापन समितियात आर्थिक हिनामिनाया द्वपं वयेवं समितिया दुजःत निराश जुयाः थुगुसी प्याखं पिमकाःगु खँ धाःगु दु ।
